الرياض 10\3\2009

مادرينا!!

يوم مغبر مفاجئ للكل
كنت في طريق الملك فهد
كنت خلص كم مشوار لي بالبريك حقي

فجأه جاتني رساله وهي من عبدالرحمن
يقول
عاصفه صحراويه قادمه للرياض
*_*

المهم اني اتصلت عليه وقلت اشوفها قدامي خخخ

بعد المقطع هذا صار لي موقف
مثل ماتعرفون شارع التحليه مطبات واشارات
مع قرب الغبار قررت اني ادخل في احد المخارج السريعه واوقف السياره لين يهدا الوضع شوي
لأن الكل في هاذا الجو في اول نصف ساعه بيكون مرتبك اثناء القياده




المهم انا دخلت
ووقفت مقابل شركه بورش

ايضا صار لي موقف
قررت اطفي السياره وادخل اقرب مبنى
ودخلته وكان فيه ناس تصور وفيه كم فيلبيني يصورون
المهم قابلت احد العاملين بالشركه المالكه للمبنى وانا اول مره اسمع عنها
ماادري ليه الناس يحبون يسولوفون جلسنا نسولف شوي بعدين عزمني على
قهوه عنده بالمكتب واعتذرت طبعاً
انا اقول بنفسي هالبريطاني طبعه سعودي خخخخ
المهم كملت طريقي وطلعت

صور

اوقات انعدمت الرؤيه

شارع التحليه
لفت نظري الشباب اللي بالفيديو على يمين الشارع جالسين يستهبلون في هاذا الجو؟؟؟

هاذي وانا ارجع للكليه

العاصفه اللي مرت كان لي علم فيها بس ماكنت متصور انها
بهاذي القوه.. انا قريت عنها في احدى الصحف
وكان العنوان صغير جداً كأنه دعايه وقلت اكيد شئ خفيف وغبار عابر
وباليومين الفائته شفنا وسمعنا الارصاد يقولون حذرنا المواطنين
اوكي مشكورين حذرتوا لكن التحذير ماكان كافي
وقت ماكنت في الغبار طالع كنت افكر بالطلاب والاطفال والجامعات خصوصاً مرضى الربو
لازم يكون التحذير بشكل اكبر وموسع مافيها شئ اذا حذروا بنصف صفحه بجريده
او تحذير تلفيزوني اوتحذير للادارات مثل التعليم وغيرها