زمان والله ksa2

اليوم قامت القناة الثانيه السعوديه بنقل مباراة لكوره القدم
وهي المره الاولى بعد تقريباً خمس او ست سنوات من آخر مباراة قامت بنقلها
المبارة كانت بين النصر والرائد تذكرت وقتها عندما كانت تنقل على القناة الاولى و تقطع المباراة لنشره الاخبار
ويقول المذيع الداخلي
المباراة منقوله على القناة الثانيه
ايام جميله وبسيطه افتقدناها مع تقدم النقل التلفيزيوني

hApPy BiRtHdAy tO mE

13\3\1988

مستشتفى الملك فيصل التخصصي
في مثل هاذا اليوم ولد محدثكم
FaHaD
.....
اليوم ودعت ال19 ودخلت ال20 حسيت بنقله وشئ تغير
بحياتي طبعاً تغيير معنوي كبير
يرجعني لتحمل المسؤليه .
هنوني عااد ^_^ يالله

وش نسوي

موقف غريب , محرج ,عجيب ,
كنت انا واخوي بأحد شوارع مدينتي الحبيبه
وبأحد طرقها الشهيره بالتحديد
لفت انتابهنا سيارة تمشي بالشارع
وفيها بنت مسكره على عبايتها (بشتها)المهم
قررننا ببرائه تنبيه السواق اللي يسوق السياره
خصوصا ً ان الكفر حق السياره قريب من البيشت
بشكل خطير .اخوي اللي كان يسوق
قال لي بقرب منهم وانت اشر للسواق
وفعلا قرب من السواق واشرت له
مدري ماشافني او شافني ولا انتبه
قال لي اخوي افتح الدريشه وتكلم .عاد اخوي الكبير
اوامره مطاعه
فعلا سويت اللي قال . فاشك السواق وقام يهدي من سرعته
والله يهدي اخوي كان يقرب منهم بشكل كبير وصار منظرنا عجيب
اخوي : يحسبوننا نرقم
امش وخلهم بس
............
بنات انتبهوا على بشوتكم لا تحرجوننا وتحرجون اهلكم